Imam Kemal ibën El-Humam

Ky është Imami, muhadithi, gjuhëtari, fekihu Muhammed ibën Abdulvahid ibën Abdulhamid Kemaluddin i njohur si Ibën Humam Iskenderi Sivasi. I ati i imamit ishte kadi i qytetit Sivas të Rumelisë, i cili pastaj kalon në Kairo dhe vendoset edhe aty si kadi. Lindi në vitin 788 dhe u mor me veprimtari shkencore pasi u rrit nën kujdesin e të atit dhe dijetarëve të vendit.

E lexoi librin e Hidajes përpara Imam Siraxhuddinit i njohur si „Kariu’l-Hidaje“. Ishte një i Imam i dalluar për shkathtësitë polemizuese të tij, studiues i rrallë, usuli, muhadith, mufessir, gjuhëtar gramaticient. Ka një sërë veprash të konsiderueshme. Më e njohura prej tyre është libri në të cilin e shpjegon „Hidajen“ i quajtur „Fet’hu’l-Kadir“, libri „Et-Tahrir“ në usul dhe një varg veprash tjera.

Nga nxënësit e tij më të dalluar janë: Shemsuddin Muhamme i njohur si Ibën Emir Haxh El-Halebi, Muhammed ibën Muhammed Esh-Shuhneh, Sejfuddin ibën Ummer Kutlubuga dhe të tjerë.

Xhami thotë:“ Prej librave të tij e kamë lexuar librin „Fet’hu’l-Kadir“ që nga fillimi gjer në „Librin e Vekales“ deri ku ka arritur autori ta shkruaj librin në fjalë; librin „Et-tahrir“ në usul, librin „El-Musajereh“ në akideh, librin „Zadu’l-Fekir“, një muhetsar në meselet e Namazit, një broshurë në fushën e I’rabit; libra që secila nga to përmban të dhëna që rrallë mund t’i gjeshë në libra tjera.